គណនីក្រៅប្រទេស
ការបើកគណនី
លោក/លោកស្រី អាចបើកគណនីពីក្រៅប្រទេសជាមួយធនាគារ ជាឯកត្តជន ឬរួមគណនីជាមួយអ្នកផ្សេងទៀត ហើយគណនីនេះអាចជាគណនីបញ្ញើសន្សំ គណនីចរន្ត គណនីមានកាលកំណត់ ឬគណនីណាមួយ ក្នុងចំណោមគណនីទាំងឡាយដែលធនាគារបាននឹងកំពុងដាក់ឲ្យប្រើប្រាស់ជាផ្លូវការ។
Offshore Form PDFសេវាធនាគារតាមរយៈ E-MAIL
សេវាបញ្ជាតាមរយៈ E-mail អនុញ្ញាតឱ្យលោកអ្នកដែលជាម្ចាស់គណនីអាចផ្ញើ E-mail មកកាន់ធនាគារឈីហ្វ ដើម្បីស្នើសុំធ្វើប្រតិបត្តិការគណនីពីចម្ងាយ ដូចជា៖ ការផ្ទេរប្រាក់, ការទូទាត់, ការដកប្រាក់ចេញពីគណនី ឬប្រតិបត្តិការផ្សេងៗទៀត តាមគោលបំណងរបស់ម្ចាស់គណនី បានយ៉ាងងាយស្រួល និងឆាប់រហ័ស។
លក្ខណៈពិសេសរបស់សេវាកម្ម
សេវាកម្មនេះអនុញ្ញាតអោយលោកអ្នក អាចស្នើសុំធ្វើប្រតិបត្តិការជាមួយធនាគារឈីហ្វដូចខាងក្រោម៖
- ទូទាត់ ផ្ទេរប្រាក់ ឬដកប្រាក់ចេញពីគណនី ទៅឱ្យភាគីពាក់ព័ន្ធ
- ដាក់ប្រាក់បញ្ញើមានកាលកំណត់
- បន្ត ឬបញ្ចប់កិច្ចសន្យាប្រាក់បញ្ញើមានកាលកំណត់
- ដោះគណនីដែលបានបង្ខាំង ឬធ្វើឱ្យដំណើរការឡើងវិញនូវគណនីគ្មានប្រតិបត្តិការ
- ឬអាចធ្វើប្រតិបត្តិការផ្សេងៗទៀត ទៅតាមការព្រមព្រៀង
កម្រៃសេវា
- តម្លៃចុះឈ្មោះប្រើប្រាស់សេវាដំបូង គឺ ២ដុល្លារអាមេរិក ឬសមមូល ។
- មិនគិតថ្លៃសេវា ចំពោះការស្នើសុំធ្វើមោឃភាពសេវាបញ្ជាតាមយៈ E-mail ឬធ្វើមោឃភាពប្រតិបត្តិការ (អាចធ្វើមោឃភាពបានលុះត្រាតែប្រតិបត្តិការនោះមិនទាន់ជោគជ័យ។ លោកអ្នកអាចធ្វើមោឃភាពផ្ទាល់នៅធនាគារឈីហ្វ ឬតាមរយៈ E-mail។
- តម្លៃសេវាក្នុងវេបសាយនេះ គឺសម្រាប់ជម្រាបជូនជាព័ត៌មានប៉ុណ្ណោះ និងអាចមានការកែប្រែ។
របៀបប្រើប្រាស់
លោកអ្នកត្រូវបំពេញពាការស្នើសុំធ្វើមោឃភាព ដោយបញ្ជាក់ឱ្យបានច្បាស់លាស់នូវ ឈ្មោះគណនី លេខគណនី លេខប័ណ្ណសម្គាល់ខ្លួនឬលិខិតឆ្លងដែន និងអាសយដ្ឋានE-mail។ បន្ទាប់មកលោកអ្នកអាចធ្វើប្រតិបត្តិការដូចខាងក្រោម៖
- ផ្ញើ E-mail មកកាន់ លោកនាយកប្រតិបត្តិប្រតិបត្តិការ ឬនាយក-នាយិកាសាខាធនាគារឈីហ្វ ដែលលោកអ្នកបានចុះឈ្មោះប្រើប្រាស់សេវាជាមួយ។
- រាល់ពេលធ្វើប្រតិបត្តិការ លោកអ្នកត្រូវបញ្ជាក់នៅក្នុង E-mail ឱ្យបានច្បាស់លាស់នូវព័ត៌មានផ្ទាល់ខ្លួនដូចជា៖ ឈ្មោះគណនី លេខគណនី ទំហំទឹកប្រាក់ គោលបំណង ឬឯកសារគាំទ្រប្រសិនបើចាំបាច់ ហើយលោកអ្នកត្រូវមានសមតុល្យទឹកប្រាក់គ្រប់គ្រាន់នៅក្នុងគណនី។
- បញ្ជាក់នូវព័ត៌មានរបស់អ្នកទទួលឱ្យបានច្បាស់លាស់ លើកលែងតែការដាក់ប្រាក់បញ្ញើមានកាលកំណត់។