វិស័យធនាគារ និងហិរញ្ញវត្ថុ ត្រូវបានចាត់ទុកជាវិស័យមួយ ដែលបានដើរតួនាទីយ៉ាងសំខាន់ ក្នុងការជំរុញ និងទ្រទ្រង់កំណើនសេដ្ឋកិច្ចជាតិ ក្នុងការធានាស្ថិរភាពហិរញ្ញវត្ថុ ការជំរុញការវិនិយោគ បង្កើតការងារ និងលើកកម្ពស់កំណើនសេដ្ឋកិច្ច ប្រកបដោយចីរភាព។ នៅប្រទេសកម្ពុជា វិស័យធនាគារ ត្រូវបានចាត់ទុកជាគ្រឹះស្នូលមួយនៃប្រព័ន្ធសេដ្ឋកិច្ច ដែលមានតួនាទីសំខាន់ក្នុងការផ្តល់ហិរញ្ញប្បទាន សេវាកម្មហិរញ្ញវត្ថុ និងការគាំទ្រដល់អាជីវកម្ម សហគ្រាសធុនតូច និងមធ្យម និងប្រជាពលរដ្ឋគ្រប់ស្រទាប់។ ក្នុងបរិបទនេះ ធនាគារ ឈីហ្វ ត្រូវបានបង្កើតឡើង ដើម្បីដើរតួនាទីយ៉ាងសកម្ម ក្នុងការផ្តល់សេវាហិរញ្ញវត្ថុប្រកបដោយទំនុកចិត្ត បត់បែន និងឆ្លើយតបតាមតម្រូវការអតិថិជន ទាំងបុគ្គល និងអាជីវកម្ម ជាពិសេសសហគ្រាសធុនតូច និងមធ្យម។