សារស្វាគមន៍ពីប្រធាននាយកប្រតិបត្តិធនាគារ


សូមស្វាគមន៍មកកាន់ធនាគារពាណិជ្ជ ឈីហ្វ (ខេមបូឌា) ម.ក

យើងកំពុងទទួលរងផលប៉ះពាល់ពីជំងឺ Covid-១៩ ដែលកំពុងរីករាលដាលជុំវិញពិភពលោកហើយអាជីវកម្ម ក៏កំពុងរងផលប៉ះពាល់យ៉ាងខ្លាំងផងដែរពីជំងឺរាតត្បាតមួយនេះដែលទាំងនេះធ្វើអោយគ្រោះថ្នាក់ដល់សេដ្ឋកិច្ចហើយជះឥទ្ធិពល ដល់ទីផ្សារទាំងមូលដោយបង្កការរំខាន យ៉ាងខ្លាំងដល់សេដ្ឋកិច្ច ពិភព លោក។ ទោះបីជាស្ថានភាពក្នុងអំឡុងវិបត្តិសេដ្ឋកិច្ចពិភពលោក ធនាគារឈីហ្វនៅតែឈរជើងយ៉ាង ល្អប្រសើរ ទាំងនេះក៏ដោយសារតែការខិតខំប្រឹងប្រែងយ៉ាងអស់ពីកំលាំងចិត្ត កំលាំងកាយរបស់ បុគ្គលិកទាំងអស់ ហើយយើងមិនជាមានមោទនៈភាពខ្លាំងក្លាចំពោះភាពប៉ិនប្រសប់ អស់ស្ចារ្យ និងភាពអត់ធន់របស់ពួកគាត់ នឹងការប៉ះទង្កិចដែលកើតឡើងដោយវិប្បត្តិជាសកលនេះ។ អ្វីដែលយើងមានភាពលេចធ្លោក្នុងពេលនេះគឺសកម្មភាពរបស់បុគ្គលិកគ្រប់រូបរួមគ្នាជាធ្លុងមួយប្រកបដោយភាពគិតគូហ្មតចត់ និងមានទឹកចិត្តល្អ រួមជាមួយពាក្យស្លោកថា ធនាគារបង្កើតឡើងដោយប្រជាជនកម្ពុជាដើម្បីប្រជាជនកម្ពុជា។ ទោះបីជាកម្រិតរំខានដែលមិនធ្លាប់មានពីមុនអាចបន្តទៅមុខទៀតក៏ដោយ ក៏ប្រតិបត្តិការដំណើរពោរពេញដោយសមត្ថភាពប្រតិបត្តិការ និងការត្រួតពិនិត្យហានិភ័យធ្វើឡើងបានយ៉ាងល្អគួរឱ្យកត់សម្គាល់ទាំងនេះជាតាក់តាងបង្ហាញពីភាពឆ្លាតវៃរបស់ប្រជាជនយើងក្នុងការសម្របខ្លួនទៅនឹងវិបត្តិនេះ និងផលប្រយោជន៏ពីភាពដែលឆាប់ងើបឡើងវិញនូវប្រព័ន្ធ បច្ចេកវិទ្យានិងប្រតិបត្តិការផ្សេងៗ។យើងទទួលបានវឌ្ឍនភាពរឹងមាំលើយុទ្ធសាស្រ្តជាអាទិភាពរបស់យើងនៅឆ្នាំនេះហើយបន្តទទួលបានអត្ថប្រយោជន៍ពីផលិតផលនិងសេវាកម្មរបស់យើងខណៈដែលចំណាយប្រតិបត្តិការស្ថិតក្រោមការគ្រប់គ្រងយ៉ាងម៉ីងមាត់។

ឥណទានរៀបចំឡើងវិញបានកើនឡើងប៉ុន្តែនៅក្នុងទ្រង់ទ្រាយតូចក្នុងរយៈពេលដែលជំងឺរាតត្បាតបានកើតឡើងហើយយើងបាន ធ្វើនូវសំវិធានធនប្រសិនបើឥណទានបាត់បង់ក្នុងអំឡុងពេលរីករាលដាលនៃជំងឺនេះ។ជំហរដើមទុននិងលំហូរសាច់ប្រាក់របស់យើងនៅតែរឹងមាំហើយទទួលបានពីប្រាក់ចំណេញនឹងកំណើនប្រាក់បញ្ញើរដែរទទួលបានពីសាធារណះជនបានបង្ហាញយ៉ាងច្បាស់ពីទំនុកចិត្តរបស់អតិថិជនចំពោះធនាគារឈីហ្វរបស់យើង។

សរុបមកជំហរហិរញ្ញវត្ថុធនាគាររបស់យើងនៅតែរឹងមាំជាមូលដ្ឋានដែលជួយឲ្យយើងជឿជាក់បានថាយើងអាចស៊ូទ្រាំនឹងវិបត្ដិដែលបង្កឡើងដោយជំងឺCovid-19 និងលទ្ធផលជាច្រើនផ្នែកទៀតកាន់តែរឹងមាំបើទោះបីជាមានការប៉ះទង្កិចផ្នែកហិរញ្ញវត្ថុដែលមិនធ្លាប់មានពីមុនមកក៏ដោយ។យើងមិនអាចទាយទុកជាមុនបានទេថាតើផលប៉ះពាល់នៃជំងឺរាតត្បាត Covid-19 រីករាលដាលក្នុងរយៈពេលយូរប៉ុណ្ណានោះទេហើយក៏មិនបានបញ្ជាក់ពីផលប៉ះពាល់ទៅលើលទ្ធផលហិរញ្ញវត្ថុនាពេលអនាគតរបស់យើងដែរ។ដូច្នេះយើងកំពុងផ្តោតអារម្មណ៍ទៅលើអ្វីដែលស្ថិតនៅក្រោមការគ្រប់គ្រងរបស់យើង។ថ្នាក់ដឹកនាំកំពុងចាត់វិធានការបន្ទាន់ក្នុងការគ្រប់គ្រងចំណាយដោយយកចិត្តទុកដាក់ដើម្បីការពារគំរោងវិនិយោគទុនរយៈពេលវែងរបស់យើងនិងបន្តការផ្លាស់ប្តូរដើម្បីទាញយកអត្ថប្រយោជន៍ក្នុងឱកាសណាមួយនាពេលអនាគត។

យើងបានផ្តល់អាទិភាពលើសុខុមាលភាពសុវត្ថិភាពនិងសន្តិសុខរបស់ក្រុមការងាររបស់យើងដោយធ្វើការគាំទ្រអតិថិជនរបស់យើងបង្ហាញពីសាមគ្គីភាពជាមួយសហគមន៍របស់យើង។យើងជឿជាក់ថាវិធីសាស្រ្តនេះការពារនិងជម្រុញផលប្រយោជន៍ដល់ម្ចាស់ភាគហ៊ុនរបស់យើង។ការឆ្លើយតបរបស់យើងដល់អតិថិជនដោយពេញចិត្តក្នុងកំឡុងពេលជំងឺរាតត្បាតត្រូវបានរៀបចំឡើងគ្រប់សាខារបស់យើងទាំងអស់ (corporate និង retail) ត្រូវបានយើងរៀបចំមកក្រោយអោយស្របតាមគោកការណ៏ណែគម្លាត សង្គម។ក្នុងករណីខ្លះៗនាយកដ្ឋានមួយចំនួនតម្រូវអោយសម្រាក់ប្តូរវេនឬតម្រូវអោយបុគ្គលិកត្រូវធ្វើការពីផ្ទះតាមចំនួនជាក់លាក់ហើយអតិថិជនត្រូវបង្វែរគាត់អោយមកប្រើប្រព័ន្ធឌីជីថល។

យើងបានដាក់គម្រោងគាំទ្រដ៏ទូលំទូលាយសម្រាប់អតិថិជនជាបុគ្គលជំនួសវិញ អតិថិជនជាក្រុមហ៊ុន និងក្រុមហ៊ុនផ្សេងទៀត រួមមានការសងតែការប្រាក់ មិនយកកម្រៃលើការបង់យឺត នឹងបន្តឬពន្យាពេលឥណទាន។យើងបានអនុម័តពាក្យស្នើសុំថ្មីដែលបង្ហាញពីការប្តេជ្ញាចិត្តរបស់យើងក្នុងការគាំទ្រអតិថិជនក្នុងដែលងាយរងគ្រោះហើយកំពុងស្វែងរកជំនួយពីយើងទាំងអស់គ្នា។

ដើម្បីគាំទ្រដល់សហគមន៍ដែលជាទីកន្លែងយើងបានប្រកបអាជីវកម្ម យើងបានបរិច្ចាគមូលនិធិសប្បុរសធម៌ដល់រាជរដ្ឋាភិបាលនៃព្រះរាជាណាចក្រកម្ពុជាតាមរយៈសមាគមន៏ធនាគារនៅកម្ពុជានិងក្រសួងសុខាភិបាលដើម្បីផ្តល់ជំនួយបន្ទាន់ដល់ប្រជាជនដែលរងគ្រោះដោយជំងឺCovid-19 ក៏ដូចជាគ្រោះមហន្តរាយទឹកជំនន់និងចូលរួមចំណែកក្នុងការកសាងសេដ្ឋកិច្ចឡើងវិញ។

យើងជឿជាក់ថាតំរូវការសំរាប់ជោគជ័យនៅក្នុងវិបត្តិសេដ្ឋកិច្ចនេះដែលជះឥទ្ធិពលដល់វិស័យសេវាកម្មហិរញ្ញវត្ថុគឺត្រូវតែមានយុទ្ធសាស្ត្រច្បាស់លាស់និងផែនការអាជីវកម្មដែលអាចទទួលយកបានជាមួយបុគ្គលិកដែលមានទេពកោសល្យដែលប្តេជ្ញាអនុវត្តនូវផែនការនោះដោយមានវិន័យល្អនិងមានភាពស្មោះត្រង់។

យើងជឿជាក់ថាយើងបានបង្ហាញនូវសកម្មភាពក្នុង ឆ្នាំថ្មីៗនេះ ហើយកាន់តែថ្មីៗជាងនេះបន្តទៀតក្នុងអំឡុងពេលមានវិបត្តិនេះហើយក៏យើងបានបញ្ចូលរូបមន្តទាំងនោះ។ យើងកំពុងតាមដានស្ថានការណ៍ដោយយកចិត្តទុកដាក់ហើយប្តេជ្ញាប្រើប្រាស់មូលធននិងលំហូរសាច់ប្រាក់ដើម្បីជួយដល់អតិថិជននិងសហគមន៍ដែលយើងធ្វើប្រតិបត្តិការក្នុងកំឡុងពេលវេលាដ៏លំបាកនេះ។ដោយសម្លឹងឆ្ពោះប្រកបដោយភាពសុទិដ្ឋិនិយមនៅឆ្នាំ២០២១នេះយើងនឹងរៀបចំរចនាសម្ព័ន្ធអោយល្អហើយយើងជឿជាក់យ៉ាងមុតមាំថាយុទ្ធសាស្រ្តច្បាស់លាស់របស់យើងរួមជាមួយនឹងវិធីសាស្រ្តផ្តោតសំខាន់ទៅលើអតិថិជននិងទទួលបានជោគជ័យក្នុងអាជីវកម្មនឹងជំរុញឱ្យមានកំណើនប្រកបដោយនិរន្តរភាពនិងជោគជ័យក្នុងការប្រកួតប្រជែងផ្នែកវិស័យធនាគារ។

ក្នុងនាមថ្នាក់ដឹកនាំរបស់ធនាគារពាណិជ្ចឈីហ្វ(ខេមបូឌា) ម.កខ្ញុំសូមថ្លែងអំណរគុណយ៉ាងជ្រាលជ្រៅដោយស្មោះចំពោះអតិថិជនទាំងអស់ដែលបានជ្រើសរើសធនាគារពាណិជ្ចឈីហ្វ (ខេមបូឌា) ម.កធ្វើជាដៃគូរយៈពេលវែង។ ជាមួយគ្នានេះផងដែរខ្ញុំក៏សូមថ្លែងអំណរគុណដល់សហសេវិកដែលខិតខំប្រឹងប្រែងយ៉ាងខ្លាំងដើម្បីរក្សាលំនឹងប្រតិបត្តិការរបស់យើងដូចជា ប្រធានក្រុមប្រឹក្សាភិបាល ក្រុមប្រឹក្សាភិបាល ក្រុមប្រឹក្សាភិបាលឯករាជ្យ ក្រុមថ្នាក់ដឹកនំា មន្រ្តីទាំងអស់មកពីធនាគារជាតិនៃកម្ពុជានិងអាជ្ញាធរមូលដ្ផានពាក់ព័ន្ធ សម្រាប់បន្តការគាំទ្រឥតងាករេចំពោះខ្ញុំបាទដើម្បីបំពេញតួនាទីជាប្រធាននាយកប្រតិបត្តិ ខ្ញុំពិតជាមានមោទនភាពចំពោះវឌ្ឍនភាពដ៏ល្អដែលយើងបានធ្វើរួមគ្នាកន្លងមកហើយយើងមានទំនុកចិត្តថាយើងនឹងធ្វើអោយធនាគារកាន់តែប្រសើរឡើង ធនាគារកាន់តែមានភាពច្នៃប្រឌិត ធនាគារដែលជាជម្រើសដំបូងសម្រាប់អតិថិជន ធនាគារដែលធ្វើអោយបុគ្គលិក អតិថិជននិងភាគទុនិកផ្សេងៗជឿទុកចិត្តយ៉ាងពិតប្រាកដ។

ដោយការគោរពដ៏ស្មោះស្ម័គ្រពីខ្ញុំ

ប្រធាននាយកប្រតិបត្តិ
ធនាគារពាណិជ្ជ ឈីហ្វ (ខេមបូឌា) ម.ក