២០២៣ នេះ បញ្ជាក់ពីការធ្វើប្រតិបត្តិការធនាគារក្នុងប្រទេសកម្ពុជាមកអស់រយ:មួយទសវត្សរ៍មកហើយ ដោយធនាគារ Chief បានបង្ហាញនូវនិមិត្តសញ្ញាថ្មីរបស់ខ្លួន ដែលជាការបោះជំហានមួយ ដោយមិនត្រឹមតែផ្លាស់ប្តូរនិមិត្តសញ្ញាប៉ុណ្ណោះនោះទេ តែជាការត្រៀមខ្លួនដើម្បីទទួលយកយុគសម័យធនាគារឌីជីថល (Digital) ដំបូងគេ។ ស្លាកសញ្ញាថ្មី គឺជាផ្នែកនៃគំនិតផ្តួចផ្តើមបែបយុទ្ធសាស្រ្ត ដើម្បីឆ្លើយតបនឹងយុវវ័យកម្ពុជា និងក្មេងៗជំនាន់ក្រោយដែលមានចំណេះដឹងផ្នែកបច្ចេកវិទ្យា ដែលឥឡូវនេះជាការចាប់ ផ្តើមនូវឆ្នាំទី ១១ របស់ធនាគារ Chief នៅក្នុងវិស័យឧស្សាហកម្មនេះ។ សារៈសំខាន់នៃនិមិត្តសញ្ញាថ្មីនេះជាតំណាងនៃស្ថាប័នមួយដែលតម្រង់ខ្លួនឡើងវិញជាមួយទស្សន:វិស័យ និងអតិថិជនតាមឌីជីថល(Digital) ដែលកំពុងតែក្លាយជាចំណុចស្នូលនៃវិស័យហិរញ្ញវត្ថុកាន់តែទូលំទូលាយនៅក្នុងប្រទេសកម្ពុជា។ និមិត្តសញ្ញាថ្មីរបស់យើងគឺជាសក្ខីភាពដែលអាចមើលឃើញចំពោះការប្តេជ្ញាចិត្តយ៉ាងមុតមាំរបស់យើងក្នុងការត្រៀមខ្លួនដើម្បីឆ្លើយតបទៅនឹងយុគសម័យឌីជីថល(Digital)។ វាមិនគ្រាន់តែជាការផ្លាស់ប្តូរការរចនាប៉ុណ្ណោះទេ ប៉ុន្តែជាសញ្ញាសំដៅទៅទីផ្សារដែលយើងកំពុងវិវត្តន៍ជាមួយនឹងតម្រូវការផ្លាស់ប្តូររបស់អតិថិជនរបស់យើង ជាពិសេសយុវជនជំនាន់ក្រោយដ៏ស្វាហាប់ ដែលត្រៀមខ្លួនដឹកនាំប្រទេសកម្ពុជា។

ចាប់តាំងពីបានបើកដំណើរការក្នុងទីផ្សារកម្ពុជាតាំងពីឆ្នាំ ២០១៣ មក ធនាគារ Chief រីកចម្រើននិងប្រែក្លាយពីធនាគារឯកទេសទៅជាធនាគារពាណិជ្ជពេញលេញនៅឆ្នាំ ២០១៨។ ប្រតិបត្តិការរបស់យើងនៅតែរឹងមាំធន់ទោះបីជាយើងប្រឈមមុខនឹងបម្រែបម្រួលសេដ្ឋកិច្ចសកល និងក្នុងស្រុកក៏ដោយ។ យើងបានពង្រឹងទំនាក់ទំនងជាមួយអតិថិជនដែលមានស្រាប់ និងមើលឃើញនូវឱកាសសម្រាប់ទំនាក់ទំនងអតិថិជនថ្មី។ យើងសម្រេចបាននូវកំណើនគួរឱ្យកត់សម្គាល់ដោយការទាក់ទាញអតិថិជនថ្មីរាប់រយនាក់ ហើយឈានដល់កំណើននៃប្រាក់បញ្ញើសរុបរបស់ខ្លួន ដែលឥឡូវនេះលើសពី ១៥៩ លានដុល្លារ ដែលខ្ពស់ជាង ១៧% ធៀបនឹងខែធ្នូ ឆ្នាំ ២០២២ ហើយទ្រព្យសកម្មសរុបមានចំនួន ២៤៣ លានដុល្លារ ដែលកើនឡើងជាង ១០% និងប្រាក់ចំណូលការប្រាក់ជាង ១៨ លានច្រើនជាង ១៧% កើនឡើងបើប្រៀបធៀបទៅនឹងឆ្នាំ ២០២២ ។ល។ បន្ថែមពីនេះយើងផ្តល់នូវកំណើន និងប្រាក់ចំណូលដែលមានស្ថេរភាព ដោយរក្សាបានអនុបាតក្របខ័ណ្ឌសន្ទនីយភាពខ្លាំង និងស្ថានភាពដើមទុនរឹងមាំ ទោះបីជាមានផលប៉ះពាល់ដោយបញ្ហាប្រឈមផ្នែកឥណទាន វិបត្តិ និងការចំណាយនៃមូលនិធិក៏ដោយ។ ភាពរឹងមាំផ្នែកហិរញ្ញវត្ថុនេះគឺជាលទ្ធផលផ្ទាល់នៃផែនការយុទ្ធសាស្រ្តរបស់ធនាគារ និងវិធីសាស្រ្តឆ្លើយតបចំពោះតម្រូវការទីផ្សារ។

ការវិវត្តជាយុទ្ធសាស្រ្តរបស់ធនាគារយើង ដោយសង្កត់ធ្ងន់លើគុណតម្លៃ ដោយបានបង្កើតនូវមូលដ្ឋានគ្រឹះដោយផ្តល់នូវជំនឿទុកចិត្តជាមួយអតិថិជនតាមរយៈការយកចិត្តទុកដាក់ដោយផ្តល់នូវក្រមសីលធម៌វិជ្ជាជីវៈ សុចរិតភាព ការប្រុងប្រយ័ត្ន និងតម្លាភាព។ ទាំងនេះមិនគ្រាន់តែជាគោលការណ៍ប៉ុណ្ណោះទេ ប៉ុន្តែជាសសរទ្រូងដើម្បីគាំទ្រដល់ដំណើរដ៏យូរអង្វែង ការប្តេជ្ញាចិត្តជាដៃគូយុទ្ធសាស្រ្តជាមួយក្រុមហ៊ុននាំមុខខាងបច្ចេកវិទ្យាមកពីហុងកុង និងឥណ្ឌា ដើម្បីឆ្លើយតបនឹងបច្ចេកវិទ្យាហិរញ្ញវត្ថុចុងក្រោយ។ ភាពជាដៃគូទាំងនេះមានសារៈសំខាន់ណាស់ដើម្បីធានាថាហេដ្ឋារចនាសម្ព័ន្ធបច្ចេកវិទ្យារបស់ធនាគារនៅតែឈានមុខគេ និងមានប្រសិទ្ធភាព ដែលជាភាពចាំបាច់សម្រាប់បម្រើជូនអតិថិជនជំនាន់ថ្មី។

ធនាគារ Chief សម្លឹងវែងឆ្ងាយ និងបង្ហាញផែនការពង្រឹងម៉ាកយីហោសាជីវកម្ម ប្រកាន់ខ្ជាប់យ៉ាងតឹងរ៉ឹងនូវស្តង់ដារអនុលោមភាព និងពង្រីកវត្តមាននៅក្នុងទីតាំងយុទ្ធសាស្ត្រសំខាន់ៗក្នុងរាជធានីភ្នំពេញ ដែលមានកម្លាំងទិញច្រើន។ ធនាគារក៏បានចែករំលែកនូវគំនិតល្អ ត្រឹមត្រូវ ជូនបុគ្គលិកក្នុងវិស័យធនាគារ ដោយលើកឡើងពីសារៈសំខាន់នៃការបណ្តុះបណ្តាល ការរៀនសូត្របន្ត ដើម្បីកំណត់ត្រាជោគជ័យដ៏រឹងមាំ និងការរក្សាបាននូវសុចរិតភាព។

គំនិតផ្តួចផ្តើមបង្កើតយីហោឡើងវិញបង្ហាញពីចំណុចសំខាន់មួយសម្រាប់ ធនាគារ Chief នៅពេលដែលផ្លាស់ប្តូរចូលទៅក្នុងទសវត្សរ៍ទីពីរនៃប្រតិបត្តិការធនាគាររបស់ខ្លួន។ និមិត្តសញ្ញាថ្មីនេះមិនត្រឹមតែឆ្លុះបញ្ចាំងពីស្មារតីយុវវ័យ និងគំនិតច្នៃប្រឌិតប៉ុណ្ណោះទេ ប៉ុន្តែវាក៏ជានិមិត្តរូបនៃការខិតខំប្រឹងប្រែងឥតឈប់ឈររបស់ធនាគារ Chief ក្នុងការក្លាយជាគ្រឹះស្ថានធនាគារដំបូងគេបែបឌីជីថល (Digital) ដែលអាចឆ្លើយតបនូវតម្រូវការធនាគារជាពិសេសសម្រាប់យុវជនកម្ពុជា។

ប្រតិបត្តិការក្នុងរយៈពេលមួយទស្សវត្សរ៍របស់ធនាគារ Chief ផ្តល់នូវនិទានកថាដ៏ស៊ីជម្រៅអំពីកំណើន និងភាពអត់ធ្មត់ក្នុងបរិយាកាសសេដ្ឋកិច្ចដ៏លំបាកបន្ទាប់ពី COVID-១៩។ វាគឺជានិទានកថាដែលគូសបញ្ជាក់ពីការជឿទុកចិត្តរបស់អតិថិជនលើចក្ខុវិស័យជាយុទ្ធសាស្រ្ត និងការទទួលយកបច្ចេកវិទ្យាឌីជីថល(Digital) នៅក្នុងវិស័យធនាគារដែលមានការប្រកួតប្រជែង។

ខណៈដែលធនាគារកំពុងឈានចូលដល់ឆ្នាំ ២០២៤ ជាឆ្នាំទី ១១ របស់ខ្លួន និមិត្តសញ្ញាថ្មីនេះមិនមែនគ្រាន់តែជាការដំឡើងសោភ័ណភាពប៉ុណ្ណោះទេ ប៉ុន្តែជាការប្រកាសអំពីយុទ្ធសាស្ត្រតម្រង់ទិសអនាគតរបស់ធនាគារ Chief និងមហិច្ឆតារបស់ខ្លួនក្នុងការបន្តដែលជាផ្នែកសំខាន់មួយនៃទិដ្ឋភាពហិរញ្ញវត្ថុរបស់ប្រទេសកម្ពុជា ដែលឆ្លុះបញ្ចាំងជាពិសេសជាមួយសេចក្តីប្រាថ្នារបស់មនុស្សជំនាន់ក្រោយ។

ជាចុងក្រោយ ក្នុងនាមថ្នាក់ដឹកនាំនៃធនាគារពាណិជ្ជឈីហ្វ (ខេមបូឌា) ភីអិលស៊ី ខ្ញុំសូមថ្លែងអំណរគុណយ៉ាងស្មោះស្ម័គ្រចំពោះអតិថិជនរបស់យើង ដែលបានជ្រើសរើសធនាគារពាណិជ្ជឈីហ្វ (ខេមបូឌា) ភីអិលស៊ី ធ្វើជាដៃគូអាជីវកម្មរយៈពេលវែងរបស់លោកអ្នក។ ជាមួយគ្នានេះ ខ្ញុំក៏សូមថ្លែងអំណរគុណដល់សហការីដែលខិតខំប្រឹងប្រែងរបស់យើងចំពោះវិជ្ជាជីវៈ ក្រមសីលធម៌ និងការខិតខំប្រឹងប្រែងយ៉ាងខ្លាំងក្នុងការរក្សាភាពធន់នៃប្រតិបត្តិការរបស់យើង ស្ថាបនិក និងជាប្រធានជាទីគោរពរបស់យើង លោក Chau សមាជិកក្រុមប្រឹក្សាភិបាល INED ក្រុមថ្នាក់ដឹកនាំ មន្ត្រីទាំងអស់នៃធនាគារជាតិនៃកម្ពុជា (NBC) និងអាជ្ញាធរមូលដ្ឋានពាក់ព័ន្ធ សម្រាប់ការគាំទ្រឥតឈប់ឈររៀងៗខ្លួន ដែលបានផ្តល់ឱ្យខ្ញុំក្នុងការបំពេញតួនាទីជានាយកប្រតិបត្តិ។ ខ្ញុំមានមោទនភាពចំពោះអ្វីដែលយើងសម្រេចបានរួមគ្នាក្នុងឆ្នាំ ២០២៣ ហើយខ្ញុំទន្ទឹងរង់ចាំឱកាសដែលឆ្នាំ ២០២៤ នឹងនាំមក។ ជាមួយគ្នានេះ យើងមានទំនុកចិត្តថាយើងកំពុងផ្តល់នូវសេវាកម្មធនាគារដ៏ល្អប្រសើរ ប្រកបដោយភាពច្នៃប្រឌិត និងជាធនាគារជម្រើសដំបូង ធនាគារដែលបុគ្គលិក អតិថិជន និងអ្នកពាក់ព័ន្ធរបស់យើងអាចជឿទុកចិត្តបានយ៉ាងពិតប្រាកដ។

យើងទន្ទឹងរង់ចាំស្វាគមន៍ និងបម្រើលោកអ្នកយ៉ាងល្អបំផុត។

ដោយក្តីគោរពពី

បណ្ឌិត សឿង ម៉ូរ៉ារិទ្ធ