នៅថ្ងៃទី០៩ ខែធ្នូ ឆ្នាំ២០២៣ ធនាគារ ឈីហ្វ បានប្រារព្ធពិធីគម្រប់ខួបអនុស្សាវរីយ៍ ១០ឆ្នាំ ដើម្បីថ្លែងអំណរគុណដល់ អតិថិជន ដៃគូសហការ និងបុគ្គលិកទាំងអស់ដែលតែងតែគាំទ្ររយៈពេលមួយទសវត្សគិតចាប់តាំងពីឆ្នាំ ២០១៣ រហូលដល់ឆ្នាំ ២០២៣នេះ។
កម្មវិធីនេះ ត្រូវបានធ្វើឡើងដោយមានការអញ្ជើញចូលរួមពីលោក ហេង បូមករា អគ្គនាយករងត្រួតពិនិត្យទី១ នៃធនាគារជាតិនៃកម្ពុជា ព្រមទាំងលោក Michael Ye និងអ្នកនាង Fion Ng តំណាងប្រធានក្រុមប្រឹក្សាភិបាល និងបណ្ឌិត សឿង ម៉ូរ៉ារិទ្ធ ប្រធាននាយកប្រតិបត្តិនៃធនាគារ ឈីហ្វ។
នៅក្នុងឱកាសដ៏ពិសេសនេះផងដែរ ធនាគារ ឈីហ្វបានបង្ហាញនូវពាណិជ្ជសញ្ញាថ្មីសម្រាប់បន្តដំណើរទៅយុគសម័យឌីជីថល។ ពាណិជ្ជសញ្ញាថ្មីនេះ គឺពោរពេញដោយថាមវន្ត ជាផ្នែកមួយនៃយុទ្ធសាស្រ្ត ដើម្បីឆ្លើយតបនឹងយុវវ័យ ដែលមានចំណេះដឹងផ្នែកបច្ចេកវិទ្យានៅប្រទេសកម្ពុជា។