ក្នុងឱកាសពិធីបុណ្យកាន់បិណ្ឌទី១ នៃប្រពៃណីជាតិខ្មែរ ធនាគារ ឈីហ្វ តំណាងដោយលោក Shum Kwong Po ជាអគ្គនាយករង ព្រមទាំងថ្នាក់ដឹកនាំ និងបុគ្គលិកទាំងអស់ បានចូលរួមរៀបចំអាហារជូនដល់សិស្សានុសិស្សចំនួន ១៦០នាក់ និងលោកគ្រូ/អ្នកគ្រូ នៅសាលាដូង (ភ្នំគិរីរម្យ)។ ធនាគារ ឈីហ្វ ជឿជាក់ថា សកម្មភាពទំនួលខុសត្រូវក្នុងសង្គម (CSR) នេះ គឺជាការចូលរួមចំណែកលើកទឹកចិត្តដល់សិស្សានុសិស្សឲ្យខិតខំប្រឹងប្រែងរៀនសូត្របន្ថែមទៀត។